Repúblikanar reiðir Trump

Donald Trump Bandaríkjaforseti og samstarfsmenn á fjölmiðlafundinum í Trump turni ...
Donald Trump Bandaríkjaforseti og samstarfsmenn á fjölmiðlafundinum í Trump turni í gær, sem snúast átti um innviði. Forsetinn kom fólki hins vegar á óvart með því að fara að ræða atburðina í Charlottesville. AFP

Valdamenn í Repúblikanaflokknum eru reiðir út í Donald Trump Bandaríkjaforseta fyrir orðin sem hann lét falla í gær varðandi mótmælin í Charlottesville um helgina. Sagði Trump þá óeirðirnar vera báðum aðilum um að kenna, en daginn áður hafði hann fordæmt aðgerðir hægri öfgamanna eftir hafa hlotið mikla gagnrýni fyrir óljóst orðalag.

Einn lést og fjöldi manns slasaðist er hægri öfgamaðurinn James Fields ók bíl inn í hóp fólks sem var að mótmæla aðgerðum hægri öfgasinna.

BBC segir marga hafa ítrekað orð Paul Ryans, forseta fulltrúadeildar Bandaríkjaforseta um að það væri ekkert rúm fyrir siðferðlegar hártoganir. Stefna hvítra hægriöfgamanna væri viðurstyggð.

„Ég tel sökina liggja hjá báðum aðilum,“ sagði Trump við fréttamenn á blaðamannafundi í Trump turninum í gær. „Annars vegar var hópur sem var mjög slæmur. Hins vegar var hópur sem var einnig ofbeldishneigður. Enginn vill segja þetta, en ég skal segja það núna,“ sagði forsetinn og kvað tvær hliðar vera á sögunni.

Hann fordæmdi þó Fields, sem ók bílnum inn í mannfjöldann. Margir af þeim hægri öfgamönnum sem tóku þátt í mótmælunum væru „gott fólk“ sagði Trump og spurði því næst hvort fjarlægja ætti styttur af fyrrverandi forsetunum George Washington og Thomas Jefferson þar sem að þeir hefðu báðir verið þrælaeigendur.

BBC segir orð forsetans hafa komið starfsfólki Hvíta hússins í opna skjöldu. Heimildamaður CNN innan Hvíta hússins sagði forsetann ekki hafa átt að tjá sig um neitt annað en innviði stjórnkerfisins.

Þá segir AP fréttastofan að nýi starfsmannastjórinn, John Kelly, hafi varla getað litið á forsetann meðan hann talaði. Fjölmiðlafulltrúinn Sarah Huckabee Sanders hafi hins vegar leitast við að ná augnaráði annarra hátt settra starfsmanna á meðan að yngri meðlimir starfsliðsins hafi staðið þar með galopinn munninn.

mbl.is

Frá Sýrlandi til Evrópu - Greinaflokkur

VAÐNES-sumarbústaðalóðir
Til sölu fallegar sumarhúsalóðir með aðgangi að heitu og köldu vatni í vinsælu s...
Antiksalan
Antíkhúsgögn og munir í úrvali. Skoðið heimasíðuna. Erum á Facebook. Opið frá kl...
Teikning eftir Mugg til sölu
Til sölu blýants- og tússteikning eftir Mugg, stærð 17,5x22 cm. Úr seríunni Sjöu...
Íslensk fornrit og Saga Íslands
Íslensk fornrit til sölu, Íslendingasögur og Landnáma, bindi 1-12 og 14. Saga ...
 
Eldri borgarar
Staður og stund
Aflagrandi 40 Dagurinn byrjar á opinni v...
Fundarboð
Fundir - mannfagnaðir
Kjördæmisráð Sjálfstæðisflokksins ...
Utankjörfundaratkvæða- greiðsla uta
Tilkynningar
Utankjörfundaratkvæðagreiðs...
Reikningsskiladagur
Fundir - mannfagnaðir
Reikningsskiladagur FLE Föstudagur...