Styrkur Irmu orðinn tveir
Setja bókamerki
Fellibylurinn Irma hefur verið færður niður í annan styrkleikaflokk. Engu að síður segja bandarískir veðurfræðingar að óveðrið sem fylgir Irmu sé lífshættulegt.
Bylurinn gengur nú yfir meginland Flórída.
Um níuleytið í kvöld mældist vindhraði Irmu 177 kílómetrar á klukkkustund og var vindurinn mestur átta kílómetrum norður af borginni Naples á vesturströnd Flórída.
Almenningur er hvattur til að fara varlega og passa upp á eigur sínar. Reiknað er með að Irma verði skilgreind sem fellibylur að minnsta kosti þangað til fyrripartinn á morgun.
Donald Trump Bandaríkjaforseti ætlar að fara til Flórída „mjög fljótlega“ til að fylgjast með hjálparstarfi vegna Irmu.
„Ég fer til Flórída mjög fljótlega. Sem stendur höfum við mestar áhyggjur af lífum fólks en ekki kostnaðinum,“ sagði hann eftir fund með heimavarnarráði og yfirmönnum björgunarsveita.
Flórída fær neyðaraðstoð
Trump hefur samþykkt beiðni Flórída-ríkis um að fá neyðaraðstoð frá ríkinu til að aðstoða við uppbyggingu eftir Irmu.
Neyðaraðstoðin felur í sér „húsnæði til bráðabirgða, viðgerðir á heimilum, lán með lágum vöxtum til að standa straum af kostnaði við að lagfæra eignir sem voru ótryggðar og önnur verkefni til að hjálpa einstaklingum og fyrirtækjum að ná sér á strik eftir eyðilegginguna,“ sagði í yfirlýsingu frá hvíta húsinu.
Kaldasti veturinn kom að óvörum
Hvorki sést áður hér á landi né annars staðar
Eyjafjarðarbraut lokað vegna alvarlegs umferðarslyss
Skar höfuðleðrið af íslenskri konu
Skiptir miklu meira máli en fólk grunar
„Höfum ekki náð að skríða upp úr þeirri gryfju“
Kostnaður meiri en milljón á fermetra
Krefjast stöðvunar framkvæmda