„Í burtu með þig hryðjuverkamaður“

Recep Tayip Erdogan, forseti Tyrklands.
Recep Tayip Erdogan, forseti Tyrklands. AFP

Slagsmál brutust út á hóteli í New York eftir að mótmælendur létu í sér heyra þegar Recep Tayyip Erdogan Tyrklandsforseti flutti þar ræðu fyrir stuðningsmenn sína á tyrknesku. Erdogan er staddur í New York þar sem hann ávarpar allsherjarþing Sameinuðu þjóðanna í tilefni af viku þjóðarleiðtoga og utanríkisráðherra flestra ríkja heims.

„Þú ert hryðjuverkamaður, farðu burtu úr landinu mínu,“ hrópaði einn mótmælendanna áður en hann var kýldur og dreginn í burtu.

BBC fjallar um uppákomuna en þar er meðal annars vitnað í Twitter-færslu Gissurar Símonarsonar, stofnanda og ritstjóra Conflict-News á Twitter, þar sem hann fjallar m.a. um stríðið í Sýrlandi og önnur átök í Mið-Austurlöndum og í Tyrklandi.

„Ég fjalla mikið um Erdogan og allt sem er að gerast með hann og það sem hann er að gera út um allan heim,“ segir Gissur í samtali við mbl.is.

Á myndum frá atburðinum má sjá hvernig mótmælendum er hrint og þeir barðir í höfuðið þar til nokkrir jakkafataklæddir menn draga þá í burtu. Ekki er ljóst hvort jakkafataklæddu mennirnir séu stuðningsmenn Erdogan, lífverðir hans, eða öryggisverðir hótelsins að því er BBC greinir frá.

Mótmælendur hafa síðan birt myndir af átökunum á samfélagsmiðlum og segja tilganginn hafa verið að fordæma stjórnarhætti forsetans í Tyrklandi, Sýrlandi og í Írak. Myndband af atvikinu má sjá neðst í fréttinni.

Margir Bandaríkjamenn berjast með Kúrdum

Einhverjir mótmælendanna báru fána til stuðnings YPG, herskárra samtaka Kúrda og andstæðinga Erdogan. YPG eru eins konar systursamtök PKK sem börðust fyrir frelsi Kúrda í Tyrklandi í um þrjá áratugi, en Erdogan hefur bannað starfsemi samtakanna.

„PKK er að berjast inni í Tyrklandi og síðan eru systursamtökin þeirra sem heita YPG og eru að berjast í Sýrlandi,“ útskýrir Gissur.

„Það eru mjög margir Bandaríkjamenn sem fara og berjast með Kúrdunum í Sýrlandi þannig að það sem gerðist var að það var bandarískur YPG-meðlimur sem hafði farið og barist á móti ISIS í Sýrlandi og hann kom til baka og var í New York. Hann stóð upp þarna á meðan Erdogan var að tala í New York og öskraði: „Get out of my country you terrorist.“

mbl.is

Frá Sýrlandi til Evrópu - Greinaflokkur

hreinsa þakrennur
Hreinsa þakrennur fyrir veturinn, ryðbletta þök og tek að mér ýmis smærri verkef...
LOFTASTIGAR - PASSA Í LÍTIL OG STÓR OP
Tvískiptir eða þrískiptir fyrir allt að 300 cm hæð Mex ehf á Facebook > Mex byg...
Yamaha Fz1-S árg 2008. 1000cc. 150 hö
Skemmtilegt hjól með þægilega ásetu. Afar vel með farið. Er á óslitnum Michelin ...
 
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Eldri borgarar
Staður og stund
Aflagrandi 40 Hjá okkur er opin vinnusto...
Framhald uppboðs
Nauðungarsala
Uppboð Einnig birt á www.naudungarsolu...
Eldri borgarar
Staður og stund
Aflagrandi 40 Opin vinnustofa kl. 9 og s...