Kínversk stjórnvöld hafa fyrirskipað norðurkóreskum fyrirtækjum sem starfa í Kína að hætta allri starfsemi vegna refsiaðgerða sem Sameinuðu þjóðirnar hafa samþykkt gegn yfirvöldum í Norður-Kóreu.

Fram kemur á vef BBC, að fyrirtækjunum verði lokað í byrjun janúar. Norðurkóresk fyrirtæki sem eiga í samstarfi við fyrirtæki í Kína neyðast einnig til þess að hætta sinni starfsemi. 

Kína, sem er helsti bandamaður norðurkóreskra stjórnvalda, hefur einnig bannað viðskipti með vefnaðarvöru og takmarkað útflutning á olíu til N-Kóreu. 

Þetta er liður í aðgerðum alþjóðasamfélagsins sem beinast gegn N-Kóreu vegna sjöttu og öflugustu kjarnorkutilraun landsins. 

Öryggisráð SÞ, sem Kína á sæti í, samþykkti nýjar viðskiptaþvinganir einróma þann 11. september. 

Viðskiptaráðuneyti Kína segist hafa gefið fyrirtækjunum 120 daga frest til að hætta allri starfsemi við landamæri Kína. 

Tengdar fréttir

Norður-Kórea

Skutu langdrægu flugskeyti á loft

• Zhao heimsækir Norður-Kóreu
• Segir Kishida vilja funda með Kim Jong-un
• 12 ára þrælkunarvinna fyrir sjónvarpsgláp
• Heræfing nærri suðurkóreskri lögsögu

» Fleiri tengdar fréttir

• Blogga um frétt