Donald Trump Bandaríkjaforseti segir að það væri tímasóun að reyna að semja við Norður-Kóreu. Löndin hafa átt í deilu en stjórnvöld í Washington eru óánægð með flugskeytatilraunir Norður-Kóreu.

„Ég sagði Rex Tillerson, okkar frábæra utanríkisráðherra, að hann væri að sóa tíma sínum með því að reyna að semja við litla eldflaugamanninn,“ skrifaði Trump á Twitter en með „litla eldflaugamanninum“ átti hann við Kim Jong-Un, leiðtoga Norður-Kóreu.

Tillerson sagði í gær, eftir fund með Xi Jinping forseta Kína, að bandarísk stjórnvöld væru að þreifa fyrir sér varðandi möguleikann á viðræðum við Norður-kóreu.

Trump sagði ráðherranum að slaka á. „Sparaðu kraftana, Rex, við munum gera það sem þarf að gera!“ skrifaði Trump einnig á Twitter.

Tengdar fréttir

Norður-Kórea

Skutu langdrægu flugskeyti á loft

• Zhao heimsækir Norður-Kóreu
• Segir Kishida vilja funda með Kim Jong-un
• 12 ára þrælkunarvinna fyrir sjónvarpsgláp
• Heræfing nærri suðurkóreskri lögsögu

» Fleiri tengdar fréttir

• Blogga um frétt