Vilja fund vegna efnavopnaárásar
Setja bókamerki
Níu lönd hafa óskað eftir neyðarfundi í öryggisráði Sameinuðu þjóðanna á morgun, mánudag, vegna efnavopnaárásar í Sýrlandi sem talin er hafa orðið að minnsta kosti 70 manns að bana í borginni Douma í Ghouta-héraði.
Það voru Frakkar sem höfðu frumkvæði að því að óska eftir fundi, en Bandaríkin, Bretland, Kúveit, Svíþjóð, Pólland, Perú, Holland og Fílabeinsströndin hafa fylgt í kjölfarið, að því er AFP-fréttastofan hefur eftir heimildamanni. Er þess krafist að fundað verði klukkan sjö annað kvöld, en ekki hefur formlega staðfest að það gangi eftir.
Yfirvöld í Sýrlandi og Rússlandi neita því að efnavopnaárás hafi átt sér stað, en fjöldi ljósmynda og myndbanda frá vettvangi, sem dreift hefur verið á samfélagsmiðlum og fréttaveitum, bera merki þess að slík árás hafi átt sér stað.
Rússar, bandamenn Sýrlendinga, eiga fast sæti í öryggisráðinu ásamt Frökkum, Bandaríkjamönnum, Bretum og Kínverjum, en ráðið hefur reglulega fundað um ástandið í Sýrlandi síðan stríðið hófst árið 2011.
Strand skemmtiferðaskips kallar á erlenda aðstoð
Banna mengandi búnað sem leyfður er á Íslandi
Kaldasti veturinn kom að óvörum
Vonast til að tjaldbúðir við HÍ standi áfram
Krefjast stöðvunar framkvæmda
Telur forsendur fyrir vaxtalækkun
Nemendur í HÍ reistu tjaldbúðir án leyfis
Frambjóðendur skila inn listum í Hörpu