Forseti framkvæmdastjórnar Evrópusambandsins (ESB) hefur beðið Ítali innilega afsökunar á því að sambandið hafi brugðist þeim í upphafi kórónuveirufaraldursins. BBC greinir frá.

„Já, það er rétt að ekkert okkar var undir þetta búið,“ sagði Ursula von der Leyen þegar hún ávarpaði Evrópuþingið í morgun. „Það er einnig satt að of mörg okkar voru ekki til staðar þegar Ítalir þurftu á hjálparhönd að halda í upphafi faraldursins. Og já, þess vegna er rétt að Evrópa í heild biðjist innilega afsökunar.“

Yfir 21 þúsund einstaklingar hafa látist af völdum veirunnar á Ítalíu, sem hefur orðið hvað verst úti allra landa. En dánartalan þar er sú hæsta í Evrópu.

Þegar Ítalir reyndu hvað þeir gátu að hefta útbreiðslu veirunnar og þá settu bæði Frakkar og Þjóðverjar hömlur á útflutning á til að mynda andlitsgrímum, þrátt fyrir að framkvæmdastjórn ESB hefði varað við því að það gæti grafið undan sameiginlegum viðbrögðum vegna veirunnar.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• 1 blogg um fréttina

Bloggað um fréttina

• Haukur Hauksson: Ítalía