Trump náðar Manafort, Stone og Kushner
Setja bókamerki
Donald Trump Bandaríkjaforseti hefur náðað fleiri samherja sína, þar á meðal Charles Kushner, Paul Manafort og Roger Stone.
Kushner, sem er faðir tengdasonar forsetans, Jareds Kushners, játaði fyrir dómi að hafa svikið undan skatti og haft afskipti af vitni árið 2004.
Manafort er fyrrverandi kosningastjóri Trumps og Roger Stones var ráðgjafi hans til langs tíma.
Mennirnir þrír eru á meðal 26 manns sem forsetinn náðaði, auk þess sem dómar voru mildaðir hjá þremur til viðbótar.
Áður hafði Trump náðað 15 manns og mildað dóma hjá fimm til viðbótar, þar á meðal spilltum þingmönnum Repúblikanaflokksins og öryggisvörðum sem voru dæmdir fyrir að drepa 14 íraska borgara í Bagdad árið 2007.
Trump, sem hefur verið gagnrýndur fyrir að náða samherja sína, lætur af störfum í næsta mánuði og demókratinn Joe Biden tekur við.
Manafort, 71 árs, var dæmdur í sjö og hálfs árs fangelsi í fyrra. Hann var sakfelldur fyrir skatta- og efnahagsbrot, fyrir að hafa leynt tekjum upp á milljónir bandaríkjadala sem hann fékk fyrir pólitísk ráðgjafarstörf í Úkraínu og fyrir ólöglegan áróður.
Halla Hrund tekur forystu í könnun
Níu milljónir í auglýsingar til erlendra miðla
/frimg/1/48/63/1486389.jpg)
Miklar fylgissveiflur forsetaefna
Virknin færist í aukana innan 48 tíma
Ökuníðingur enn í haldi – „Mildi að ekki fór verr“
11 verða í framboði til embættis forseta Íslands
Gæti færst meiri kraftur í eldgosið
Fjöldi brota ríflega sexfaldaðist