Erlent | mbl | 4.4.2022 | 14:25

Rússum verði fleygt út úr mannréttindaráði SÞ

Höfuðstöðvar Sameinuðu þjóðanna á Manhattan-eyju, við bakka Austurárinnar. AFP

Bandaríkin munu leitast eftir því að Rússlandi verði vikið burt úr mannréttindaráði Sameinuðu þjóðanna, í kjölfar þeirra sönnunargagna sem virðast tekin að berast af fjöldamorði rússneskra hermanna á almennum borgurum í Bútsja í Úkraínu.

Frá þessu greinir Linda Thomas-Greenfield, sendiherra Bandaríkjanna gagnvart SÞ.

In close coordination with Ukraine and other Member States and partners at the UN, the United States is going to seek Russia’s suspension from the UN Human Rights Council.
— Ambassador Linda Thomas-Greenfield (@USAmbUN) April 4, 2022

Kína, Kúba og Venesúela

Alls skipa 47 ríki mannréttindaráðið. Þar á meðal eru Kína, Kúba, Kasakstan, Líbía, Katar, Sómalía, Sameinuðu arabísku furstadæmin, Úsbekistan og Venesúela.

Úkraína á þar einnig sæti og segir Thomas-Greenfield að unnið verði að brottvikningu Rússa í samráði við stjórnvöld ríkisins og annarra ríkja.