Stjórnvöld í Bandaríkjunum hafa samþykkt áætlanir um röð árása á írönsk skotmörk í Sýrlandi og Írak, að því er bandarískir embættismenn hafa greint CBS News frá.

BBC greinir frá.

Árásirnar myndu eiga sér stað á nokkurra daga tímabili. Hvenær þær hefjast mun ráðast af veðuraðstæðum. Fyrir fimm dögum síðan voru þrír bandarískir hermenn drepnir og 41 særðist í drónaárás í Jórdaníu og hafa Bandaríkjamenn sakað íslamska vígamenn, sem njóta stuðnings Írans, um verknaðinn.

Frétt af mbl.is

Bandarískir hermenn fallnir í árás í Jórdaníu

Líkt drónunum sem Íran hefur sent Rússlandi

Bandarískir embættismenn hafa sagt að bandaríska leyniþjónustan telji að dróninn sem notaður var til að ráðast á herstöðina hafi verið framleiddur af Íran og sé svipaður þeim drónum sem Íranar hafa sent til Rússlands.

Á blaðamannafundi í gær varði Lloyd Austin, varnarmálaráðherra Bandaríkjanna, sein viðbrögð hersins og sagði:

„Við munum bregðast við þar sem við viljum, þegar við viljum og hvernig við gerum það.“

165 árásir á Bandaríkjamenn frá upphafi stríðs

Þeir embættismenn sem ræddu við CBS News gáfu ekki upp nákvæma tímalínu um það hvenær árásirnar yrðu.

Þeir sögðu að bandaríski herinn gæti framkvæmt þær í slæmu veðri, en vildu helst gera þetta við góð veðurskilyrði til að draga úr hættu á að almennir borgarar lentu í skotlínunni.

Síðan að stríðið hófst á milli Ísraels og hryðjuverkasamtakanna Hamas þann 7. október hafa verið 165 árásir gerðar á bandarískar hersveitir í Mið-Austurlöndum. Árásin fyrir fimm dögum var sú fyrsta þar sem bandarískir hermenn féllu. 

Tengdar fréttir

Ísrael/Palestína

Skoða vopnahléstillögu Ísraelsmanna

• Ísraelskur ráðherra í bílslysi
• Nemendur í HÍ reistu tjaldbúðir án leyfis
• Krefjast svara vegna fjöldagrafa við sjúkrahús
• Hernaðaraðstoð samþykkt – Vopnasendingar í vikunni

» Fleiri tengdar fréttir

• Blogga um frétt