Áverkarnir reyndust skotsár

Táningsdrengur sem lögreglan í Ósló í Noregi kom til aðstoðar á Bryn í austurhluta borgarinnar í kvöld reyndist særður skotsárum þegar farið var að gera að meiðslum hans. Reyndust áverkar hans alvarlegir þótt ekki væru lífshættulegir.

Að sögn Erik Hestvik varðstjóra, sem ræddi við norska ríkisútvarpið NRK, lítur lögreglan málið mjög alvarlegum augum og stendur leit að árásarmanninum eða -mönnunum nú yfir auk þess sem lögregla ræðir við vitni á vettvangi.

NRK

• Blogga um frétt