Sala Slysavarnarfélagsins Landsbjargar á flugeldum var með besta móti fyrir þessi áramót. Jón Gunnarsson framkvæmdastjóri Landsbjargar sagði í samtali við Fréttavef Morgunblaðsins að hjálparsveitirnar víða um landið hefðu tilkynnt umtalsvert meiri sölu en í fyrra sem þó var metár. Jón telur að um 20% aukning hafi orðið. „Við erum þakklát fyrir að þjóðin svaraði því kalli okkar að nota þessa leið til að styðja við bakið á okkar starfsemi," sagði Jón.
Slysavarnarfélagið Landsbjörg flutti á milli 500 til 600 tonn af flugeldum til landsins fyrir þessi áramót en það var óvenju mikið sökum þess að lagerstaðan var lág fyrir.