Verð á vörum og þjónustu 46% hærra hér að jafnaði en í ESB

Verð á vörum og þjónustu sem venjuleg heimili nýta sér var að jafnaði 46% hærra á Íslandi en var að jafnaði í „gömlu" Evrópusambandslöndunum 15 árið 2005, að því er kemur fram í samantekt dönsku hagstofunnar. Verð á mat- og drykkjarvörum var 62% hærra hér á landi en að jafnaði í ríkjunum 15.

Danska hagstofan segir, að af umræddum 15 ríkjum sé hafi hæsta verðið verið í Danmörku, eða 33% að jafnaði yfir meðaltal en þar á eftir í Írlandi, 19%. Lægst var verðið í Portúgal og Grikklandi þar sem verðið var 17% og 16% undir meðaltalinu.

Eftir stækkun Evrópusambandsins í 27 ríki er verðlagið lægst í Búlgaríu og Rúmeníu, sem gengu í ESB nú um áramótin.

Ef verð á allri vöru og þjónustu, líka á opinberum innkaupum og fjárfestingum, er reiknað út, er það 38% hærra á Íslandi en að meðaltali í gömlu ESB-ríkjunum 15, að sögn dönsku hagstofunnar.

Tilkynning dönsku hagstofunnar

• 2 blogg um fréttina

Bloggað um fréttina

• Magnús Helgi Björgvinsson: Það er eins og allir hafi sameinast um að benda …
• Ágúst Hjörtur : Hvar er Hagstofa Íslands þegar kemur að fréttaflutningi?