56% Íslendinga telja konur hafa jafnan rétt og karlar

56% Íslendinga sem tóku þátt í könnun Gallup International á viðhorfi þjóða til jafnréttis eru sammála þeirri fullyrðingu að konur hafi jafnan rétt og karlar á Íslandi. 38% sögust ósammála og 6% sögðust ekki vita það eða vildu ekki svara. 91% voru ósammála því að menntun væri væri mikilvægari fyrir drengi en stúlkur en 4% voru sammála.

Þá var einnig komið með þá fullyrðingu að bæði konan og karlinn ættu að afla tekna fyrir heimilið og sögðust 85% sammála því, 7% ósammála og 9% svöruðu ekki eða sögðust ekki vita það.

1400 tóku þátt í könnunninni sem gerð var 8.- 25. ágúst 2006 og svöruðu 68,4% þeirra sem haft var samband við. Í alþjóðakönnun Gallup á sama efni kom fram að fjórir af hverjum tíu telja konur enn ekki njóta sömu réttinda og karlar, í landi þess sem spurður var. 60 þúsund manns í 64 löndum tóku þátt. Um fjórðungur þeirra sem spurðir voru telja menntun mikilvægari fyrir drengi en stúlkur, þó svo meirihluti telji að bæði karl og kona eigi að afla heimilinu tekna.

• 1 blogg um fréttina

Bloggað um fréttina

• Púkinn: Jafnan rétt til hvers?