Vonskuveður víða á Vesturlandi og Norðurlandi vestra

Það er vonskuveður víða á Vesturlandi og Norðurlandi vestra, ekki ferðaveður og versnandi færð. Það er stórhríð á Fróðárheiði og norðanverðu Snæfellsnesi. Þá er óveður á Holtavörðuheiði, þar er hálka og mikill skafrenningur.

Snjóflóð lokar Kirkjubólshlíð í Skutulsfirði og varað er við snjóflóðahættu á Óshlíð. Á Vestfjörðum er annars víða hálka en Eyrarfjall er ófært.

Á Norðurlandi er versnandi veður, óveður á Vatnsskarði en hálka og skafrenningur á Öxnadalsheiði. Það er víðast hvar góð færð á Austurlandi þótt sumstaðar séu hálkublettir og skafrenningur, einkum á heiðum. Öxi er þó ófær, samkvæmt upplýsingum frá Vegagerðinni.

• 1 blogg um fréttina

Bloggað um fréttina

• Júlíus Garðar Júlíusson: Nú er kominn tími til að huga að þessu...