Æfa hraðakstur í yfirgefinni herstöð

Nýliðar í mótorhjóladeild Lögreglunnar á Höfuðborgarsvæðinu og á Suðurnesjum æfðu í dag hraðakstur og forgangsakstur á götum bandarísku herstöðvarinnar sem nú stendur auð og yfirgefin við Keflavíkurflugvöll.

Akstursæfingarnar eru hluti af námskeiði sem haldið er á vegum Lögregluskóla ríkisins. Í samráði við LRH og lögreglustjórann á Suðurnesjum var ákveðið að hluti námskeiðsins færi fram á gamla varnarsvæði, samkvæmt upplýsingum Eiríks Hreins Helgasonar, yfirlögregluþjóns hjá skólanum.

Árni Friðleifsson, varðstjóri í umferðardeild lögreglunnar, segir gatnakerfi herstöðvarinnar nýtast vel til æfinga fyrir nýliða mótorhjóladeildarinnar.

Þeir séu reyndar allir þaulvanir mótorhjólaakstri, þótt þeir hafi ekki ekið lögregluhjólum áður.

• 1 blogg um fréttina

Bloggað um fréttina

• Birgir Þór Bragason: Að sjálfsögðu