Skýrsla um samkeppnishæfni Íslands fyrir staðsetningu svokallaðra netþjónabúa var kynnt í dag en Fjárfestingarstofan ásamt orkufyrirtækjum og fjarskiptafyrirtækjum. Fram kom á fundinum, að niðurstöðurnar úr athuguninni voru mjög jákvæðar og er m.a. gert ráð fyrir að kostnaður við orku til netþjónabús sé 20-30% lægri hér á landi en í samkeppnislöndunum, sem eru einkum Indland og Bandaríkin.
Á fundi í dag þar sem skýrslan var kynnt, sagi Össur Skarphéðinsson, iðnaðarráðherra, tvær forsendur yrðu að vera til staðar svo hægt yrði að byggja upp netþjónabú af þessu tagi: að næg orka sé fyrir hendi, en netþjónabú þarf um 50 megavött, og að nýr sæstrengur verði lagður.
Fram kom á fundinum, að í vikunni hafi stjórn Farice, sem rekur samnefndan sæstreng, að bjóða út lagningu á nýjum sæstreng næsta haust. Forsvarsmenn Farice vildu hvorki játa því né neita, hvort viðskiptasamningar um netþjónabú væri forsenda fyrir því að nýr sæstrengur verði lagður.