Þrumur og eldingar á Suðurlandi

Þrumuveður gekk yfir Hellisheiði og eldingar sáust í Hveragerði um klukkan hálf tvö í dag með tilheyrandi regnskúrum og jafnvel hagléli austur í sveitum. Einar Sveinbjörnsson veðurfræðingur sagði að þetta væru dæmigerðir hitaskúrir sem verða þegar hitauppstreymi er mikið eins og búið er að vera í dag.

Einar sagði að á vefsíðu Veðurstofunnar væri hægt að sjá eldingakort með öllum skráðum eldingum og þar má sjá mjög marga rauða punkta yfir Norður Evrópu í dag.

Einar sagði að enn væru skilyrði fyrir áframhaldandi þrumuveðri á Suðurlandi þar sem það mældust ríflega 20 stig á þingvöllum og Hellu klukkan þrjú. „Það eru skilyrði til myndunar svona þrumuskýja eitthvað fram eftir kvöldi," sagði Einar að lokum.

Einar fjallar ítarlega um þrumuveðrið á blogggsíðu sinni Bloggsíða Einars

• 3 blogg um fréttina

Bloggað um fréttina

• Sigurður Elvar Þórólfsson: Klöppum fyrir því
• Gísli Bergsveinn Ívarsson: Alveg eins og í útlöndum
• Þorsteinn Gunnarsson: Engar skrukkur og þokkalega snjólétt á Selfossi