Fjórir handteknir í mótmælum Saving Iceland

Fjórir mótmælendur voru handteknir í gær þegar aðgerðasamtökin Saving Iceland mótmælti stóriðjustefnu og virkjunum. Þrír mannanna gistu fangageymslur í nótt en einum þeirra var sleppt í gærkvöldi.

Aðgerðarsamtökin stóðu fyrir götupartýi í Öskjuhlíð í Reykjavík í gær. Hópurinn ætlaði að ganga niður Laugarveg en lögregla kom í veg fyrir það. Þá stoppuðu nokkrir tugir mótmælenda við Snorrabraut og sungu og dönsuðu uppi á bílum, áður en þeir héldu áfram þar sem leið lá niður á Hlemm þar sem fólkið hélt áfram mótmælum fyrir utan lögreglustöðina.

Sigurður Helgason, betur þekktur sem Siggi Pönk, sagði í fréttum Útvarps að mennirnir sem lögreglan handtók í mótmælunum væru óeðlilega lengi í haldi, þar sem um pólitísk mótmæli væri að ræða. Þeim hefði annars verið sleppt fyrr.

• 4 blogg um fréttina

Bloggað um fréttina

• Pálmi Gunnarsson: Hvað er að !!!
• G. Tómas Gunnarsson: Ofbeldisfullt "hugsjónafólk" ?
• Birgitta Jónsdóttir: Yfirlýsing út af lögregluofbeldi
• Benedikt Halldórsson: Á öndverðu bloggi og koddaslagur