Gunnar Friðriksson kominn að báti sem bilaði í Jökulfjörðum

Björgunarskipið Gunnar Friðriksson er kominn að bátnum Val ÍS-18, sem bilaði í Jökulfjörðum nú síðdegis með átta menn innanborðs. Upphaflega var tilkynnt um að báturinn væri vélarvana, bilunin reyndist þó í gír og gat báturinn bakkað upp í vind og komið í veg fyrir að hann ræki að landi, meðan beðið var eftir aðstoð. Gert er ráð fyrir að Valur verði dreginn til hafnar í kjölfarið.

Hvöss sunnanátt er á svæðinu og rak bátinn hratt í átt að landi um tíma. Þyrla Landhelgisgæslunnar var í viðbragðsstöðu, en hefur nú verið afturkölluð.

• 2 blogg um fréttina

Bloggað um fréttina

• Sveinn Ingi Lýðsson: Eru við sjálfbjarga til að bjarga stórskipum
• Gunnar Freyr Rúnarsson: 29. nóvember