Stjórnir Ungra vinstri-grænna og Ungra vinstri-grænna í Reykjavík segja að ein af forsendum þess að hið nýja samstarf í borgarstjórn Reykjavíkur gangi upp sé að Björn Ingi Hrafnsson, borgarfulltrúi, geri hreint fyrir sínum dyrum í orkumálum Reykjavíkur sem allra fyrst.
Einnig þurfi Dagur B. Eggertsson, tilvonandi borgarstjóri, að útskýra hvers vegna hann studdi það að völdum starfsmönnum Orkuveitu Reykjavíkur yrði boðnir kaupréttarsamningar í Reykjavik Energy Invest.
Í tilkynningu er komandi meirihlutasamstarfi í Reykjavík fagnað og því lýst yfir, að Svandís Svavarsdóttur hafi með framgöngu sinni að undanförnu sýnt að hún sé og verði hinn eini sanni leiðtogi borgarstjórnar Reykjavíkur.