Bæjarráð Árborgar samþykkti í dag að lýsa yfir eindregnum stuðningi við áskorun starfsmanna fangelsisins að Litla Hrauni um að farið verði í enn frekari uppbyggingu á fangelsinu en nú eru áform um. Þetta kemur fram í samþykkt bæjarráðs. Þar segir einnig að bæjarráð hvetji ríkisvaldið til að skoða málið af fullri alvöru og þá lýsir bæjarráð sig tilbúið til samráðs um slíka uppbyggingu.