Á 186 km hraða á Jökuldal

Ökumaður var stöðvaður eftir að hann varð uppvís að ofsaakstri á þjóðvegi 1 á Jökuldal aðfararnótt laugardagsins. Mældist bíll mannsins á 186 km hraða og segir lögreglan á Seyðisfirði, að þetta sé mesti hraði ökutækis, sem mældur hafi verið hjá embættinu. Eldra „metið" var 159 km hraði.

Ökumaðurinn var í framhaldinu sviptur ökuréttindum í þrjá mánuði. Þá var annar ökumaður tekinn fyrir ölvun við akstur á sunnudagskvöld í umdæmi lögreglunnar.

• 3 blogg um fréttina

Bloggað um fréttina

• Ingólfur: Mótmælendur ógn við samfélagið og vísað úr landi. Ökuníðingar missa …
• Kristín Björg Þorsteinsdóttir: Hvað er eiginlega að?
• Pálmi Freyr Óskarsson: "Til haningju með......