Alþingi farið í jólaleyfi

Fundum Alþingis var frestað nú undir kvöld en þingfundir hefjast að nýju um miðjan janúar. Á annan tug laga var afgreiddur í dag, þar á meðal umdeild lög um breytingu á þingsköpum Alþingis. Sagðist Sturla Böðvarsson þingforseti vonast til að þær breytingar verði þinginu og störfum þess til heilla.

Meðal laganna, sem afgreidd voru í dag eru lög um stjórn fiskveiða en samkvæmt þeim er fellt  tímabundið niður veiðigjald á aflaheimildir í þorski vegna niðurskurðar á aflaheimildum á yfirstandandi fiskveiðiári. Einnig er lækkað tímabundið veiðigjald sem útgerðir greiða. 

• 4 blogg um fréttina

Bloggað um fréttina

• Jenný Anna Baldursdóttir: Ætli eitthvað hafi skolast með í látunum..
• Guðrún Magnea Helgadóttir: Veiðileyfagjald...Hvað er það?
• Rúnar Sveinbjörnsson: Var haldið þing nú í haust?
• Guðjón Sigþór Jensson: Umdeild breyting á þingskaparlögunum