Hópur kvenkynsvörubílstjóra kom saman á Bensínstöðinni N1 á Ártúnshöfða klukkan sex í dag í því skyni að sýna samstöðu með öðrum vörubílsstjórum. Þær gáfu þeim sem vilja styrkja vörubílstjóra í baráttu sinni, rauða borða til þess að hengja á bíla sína.
Að sögn Einars Árnasonar, talsmanns vörubílstjóra voru þetta konur sem starfa sem vörubílstjórar en geta ekki tekið þátt í mótmælaaðgerðum þar sem þær starfa annars staðar. Með þessum aðgerðum vilja þær að sýna starfsbræðrum sínum samhug. „Þær gáfu rauða borða þeim sem vilja sýna okkur samstöðu í baráttumálum vörubílstjóra og almennings í landinu," sagði Einar.
Að sögn Einars tók fólk mjög vel í aðgerðir kvennanna.