Magnús Þór aðstoðarmaður borgarstjóra

Magnús Þór Gylfason, hefur verið ráðinn í stöðu aðstoðarmanns Hönnu Birnu Kristjánsdóttur borgarstjóra.

Magnús Þór Gylfason er 34 ára viðskiptafræðingur frá Háskólanum í Reykjavík. Hann gegndi starfi skrifstofustjóra og verkefnisstjóra á skrifstofu borgarstjóra á árunum 2006 til ársloka 2007 og sat í starfshópi þáverandi borgarstjóra um bættan rekstur Reykjavíkurborgar. Frá ársbyrjun 2008 hefur hann starfað sem framkvæmdastjóri samskiptasviðs Alcan á Íslandi.

Magnús Þór var framkvæmdastjóri borgarstjórnarflokks Sjálfstæðisflokksins á árunum 2002 til 2006 og framkvæmdastjóri Sambands ungra sjálfstæðismanna á árunum 2000 til 2002.

Magnús Þór er kvæntur Elvu Dögg Melsteð framkvæmdastjóra og eiga þau tvö börn.

• 2 blogg um fréttina

Bloggað um fréttina

• Magnús Geir Guðmundsson: Stendur stutt við.
• Kjartan Vídó: Sama blogg færsla og síðast