Bræðraþjóð okkar Færeyingar hafa sýnt góðan vilja í verki. mbl.is/Ómar Óskarsson

Tæplega 18 þúsund manns hafa nú ritað nafn sitt undir þakkir til Færeyinga fyrir stuðning þeirra í formi 6 milljarða króna láns sem þeir veittu Íslendingum á dögunum.  

Í yfirlýsingu á síðunni segir að komið hafi í ljós að Færeyingar séu einu vinir Íslendinga í öllum heiminum og það muni aldrei gleymast.

Segir á síðunni að tilgangurinn með henni sé að gefa Íslendingum kost á að koma þakklæti sínu á framfæri við Færeyinga vegna örlætis þeirra og vinarþels í garð íslensku þjóðarinnar á erfiðum tímum. „Vonandi getur þessi vettvangur með tímanum orðið til þess að efla samband okkar við þessa frændþjóð okkar sem alltaf er reiðubúin til aðstoðar við okkur, jafnvel þegar illa árar hjá þeim sjálfum,“ segir á síðunni.

Þakkarsíðan til Færeyinga