Herða á gjaldeyrishöftin
Setja bókamerki
Til stendur að afgreiða í kvöld á Alþingi lagafrumvarp um að herða gjaldeyrishöft. Verður mælt fyrir frumvarpinu þegar þingfundi verður haldið áfram klukkan 17:30 en samþykkt var fyrr í dag, að þingfundur gæti staðið fram yfir miðnætti.
Samkvæmt upplýsingum mbl.is er frumvarpið er lagt fram til að bregðast við því, að ákvæði í reglum um gjaldeyrisviðskipti um skilaskyldu hefur ekki haldið. Gengi krónunnar hefur þannig lækkað jafnt og þétt undanfarnar vikur og lækkaði gengisvísitalan um 0,48% í dag.
Steingrímur J. Sigfússon, fjármálaráðherra, sagði við mbl.is í dag, að verið væri að rannsaka hvernig reglum um gjaldeyrisskil sé fylgt eftir til að hægt sé að gera sér grein fyrir umfangi lekans á gjaldeyrishöftunum með því að kortleggja útflutning í krónum og bera saman tölur frá síðustu áramótum og árunum þar á undan.
Til stóð að leggja frumvarpið fram og mæla fyrir því klukkan 17 en það náðist ekki þar sem frumvarpið var ekki tilbúið.
Gígbarmurinn hækkað frá því í gær
Bergnuminn í Hvalfirði
Nemendur í HÍ reistu tjaldbúðir án leyfis
/frimg/1/48/74/1487454.jpg)
Heldur inn í nóttina tuttugu kílóum léttari
/frimg/1/29/32/1293273.jpg)
Ekki af baki dottinn og ætlar að opna B5 aftur
Hvorki sést áður hér á landi né annars staðar