Staðan hefur lagast
Setja bókamerki
Vilhjálmur Egilsson, framkvæmdastjóri Samtaka atvinnulífsins, sagði í Kastljósi Sjónvarpsins í kvöld að staðan í viðræðum við stjórnvöld um áframhald stöðugleikasáttmálann hefðu lagast í dag og meiri líkur en minni væru nú á að kjarasamningar héldu gildi sínu og sömuleiðis stöðugleikasáttmálinn.
Gylfi Arnbjörnsson, forseti Alþýðusambandsins Íslands, tók undir með Vilhjálmi að aðilar hefðu komist nær hvor öðrum síðdegis. Ekki hefði ríkt mikil bjartsýni í gærkvöldi og morgun en staðan hefði breyst í dag.
Vilhjálmur sagði, að málið snérist um að fá nægar fjárfestingar á næsta ári til að komast út úr kreppunni og það væru raunar þær forsendur, sem ríkisstjórnin hefði sjálf gefið sér fyrir fjárlögum næsta árs.
Fari svo að Samtök atvinnulífsins ákveði fyrir miðnætti að framlengja ekki kjarasamninga við ASÍ verða samningar
lausir frá og með 1. nóvember og hvert og eitt stéttarfélag þarf að nýju að taka
ákvörðun um hvort forysta ASÍ skuli aftur fá umboð til að semja fyrir þeirra
hönd. Gæti þá farið svo að hvert stéttarfélag yrði sjálfu sér næst og
kjarabaráttan færi mjög harðnandi á ný.
Telur forsendur fyrir vaxtalækkun
Væri að ljúga ef ég segðist ekki stressaður
Gígbarmurinn hækkað frá því í gær
Skaut sex sinnum að feðginum á aðfangadagskvöld
Breytingar á skipulagi fréttadeildar RÚV
Banna mengandi búnað sem leyfður er á Íslandi