Innlent | mbl | 12.3.2010 | 17:51

Stórþjófar handteknir

Þorlákshöfn. mats.is

Mikið magn af þýfi, þar á meðal verkfærum og hjólbörðum fannst í bílskúr í Þorlákshöfn eftir að lögreglan á Selfossi handtók í gær tvo karlmenn vegna gruns um að þeir hefðu þýfi í fórum sínum.

Lögreglan segir, að eftir nokkra rannsóknarvinnu hafi verið ákveðið að gera húsleit í íbúðarhúsi í Þorlákshöfn sem ekki er búið í og er á forræði íbúðarlánasjóðs. Í bílskúr hússins var vélsleðakerra full af stórum jeppahjólbörðum. Þar var einnig mikið magn af alls konar verkfærum og hjólbörðum.

Í kjölfarið voru mennirnir tveir handteknir í húsi í Þorlákshöfn. Við nánari skoðun kom í ljós að bíll, sem þeir voru með til umráða, var með skráningarmerkjum sem hafði verið stolið af sams konar bifreið. Hald var lagt á hið meinta þýfi.

Mennirnir voru yfirheyrðir í gærkvöldi og aftur í morgun. Við yfirheyrslu viðurkenndu þeir að hafa stolið hjólbörðunum og verkfærum af höfuðborgarsvæðinu. Lögreglan segir, að um hafi verið að ræða dýr gæðaverkfari. Ætla megi að verðmæti þýfisins, sem hald var lagt á, sé um fjórar milljónir króna.

Hluti þýfisins er komið til skila og segir lögreglan, að það hafi hjálpað mikið l að eigandi verkfæranna hafði merkt hvert stykki og var með lista yfir þau öll.

Mennirnir voru látnir lausir um hádegi í dag. Talsverð vinna hefur verið lögð í rannsóknina en stefnt er að því að málið verði að mestu upplýst í næstu viku.

Innlent »

Mjóddin er upphafs- og endastaður Suðurlandsstrætósins.

Bæta við strætóferðum á Suðurland

15:10 Frá og með deginum í dag verða gerðar nokkrar breytingar á akstri Strætó bs. á Suðurlandi. M.a. verður bætt við hádegisferð frá Reykjavík á Selfoss og til baka til Reykjavíkur, tekinn upp akstur í Reykholt og bætt við ferð frá Vík til Hafnar á þriðjudögum. Meira

Lesið úr röntgenmyndum á Landspítalanum í Fossvogi. Mynd úr safni.

Gæði röntgenmynda margfaldast

15:06 Tekinn hefur verið í notkun stafrænn búnaður til framköllunar á röntgenmyndum á Heilbrigðisstofnun Vesturlands á Hvammstanga. Þessi nýju tæki koma í stað gamalla tækja sem voru úr sér gengin og nær ónýt. Meira

Nefbrotinn eftir árás

Maðurinn var fluttur á slysadeild með sjúkrabíl.

15:04 Karlmaður var fluttur með sjúkrabifreið á slysadeild Landspítala snemma í morgun eftir líkamsárás í miðborg Reykjavíkur. Samkvæmt upplýsingum frá lögreglu sagðist maðurinn hafa orðið fyrir árás tveggja manna sem hann kunni ekki deili á, ekki hefur tekist að hafa upp á þeim. Maðurinn er talinn nefbrotinn. Meira

Börnin uppgötva undraheima Legó

Börnin skemmtu sér hið besta við að búa til alls kyns byggingar úr kubbunum.

14:05 Gríðarleg umferð hefur verið í ráðhúsi Reykjavíkurborgar um helgina en þar er sýningin Undraheimar Legó sett upp. Yngstu kynslóðinni gefst þar kostur til að gleyma sér framkvæmdum með fjölmarga Legó-kubba. Meira

SUF vill draga ESB-umsóknina til baka

13:34 Samþykkt var á 37. þingi Sambands ungra framsóknarmanna (SUF) í morgun að aðildarviðræðum við Evrópusambandið yrði hætt og umsókn Íslands um aðild að sambandinu dregin til baka. Meira

17 kýr mjólkuðu yfir 10 þúsund kíló

14:50 Þær voru duglegri að mjólka í fyrra, kýrnar í Eyjafirði og Suður-Þingeyjarsýslu, en árið á undan. Í fyrra mjólkuðu sautján kýr yfir 10 þúsund kílóum en árið 2010 voru þær aðeins fimm. Meira

Evrópusambandið kynnir sig sjálft

Fánar Evrópusambandsins fyrir utan höfuðstöðvar framkvæmdastjórnar sambandsins í Brussel.

13:35 Sérstök upplýsingaskrifstofa um Evrópumál, sem fengið hefur heitið Evrópustofa, var opnuð við Suðurgötu í Reykjavík í síðasta mánuði en markmið hennar er að miðla hlutlægum upplýsingum til Íslendinga um Evrópusambandið og kosti og galla þess fyrir Ísland að ganga í sambandið. Meira

Vilja efla siðferði í stjórnmálum

Þingmenn Hreyfingarinnar standa að Breiðfylkingunni.

12:53 Stofnfundur Breiðfylkingarinnar hófst á hádegi en að henni standa Borgarahreyfingin, Frjálslyndi flokkurinn, Hreyfingin og einstaklingar úr stjórnlagaráði. Í kjarnastefnu fylkingarinnar segir að leysa verði skuldavanda heimilanna og efla siðferði í stjórnmálum. Meira

Enginn með einkarétt á Samstöðu

12:44 Lilja Mósesdóttir, formaður stjórnmálaflokksins Samstöðu, segir að átta félög hafi verið skráð í fyrirtækjaskrá undir nafninu Samstaða. Eitt af þeim var stjórnmálaafl á landsvísu sem breytti nafni sínu til að Samstaða Lilju gæti fengið nafn sitt. Meira

Handteknir fyrir að keyra á mann

11:03 Tveir menn voru handteknir á heimili annars þeirra á sjötta tímanum í morgun vegna gruns um að annar hvor þeirra hefði ekið á mann í Austurstræti á fimmta tímanum. Mennirnir gista fangageymslur og verða yfirheyrðir þegar líður á daginn. Meira

Yrði ōðruvísi biskup

11:45 MBL Sjónvarp ræðir á næstu vikum við frambjóðendur í biskupskjörinu sem fer fram á næstunni. Þannig gefst almenningi tækifæri á að kynnast þeim sem eru í framboði þó kosningaréttur sé ekki almennur. Séra Gunnar Sigurjónsson prestur í Digraneskirkju ríður á vaðið. Meira

Lætur hátt í fangaklefa

10:51 Lögregla höfuðborgarsvæðisins var kölluð að samkvæmi við Smiðjustíg á sjöunda tímanum í morgun þar sem einn gestanna var með uppsteit. Að sögn lögreglu var maðurinn óviðráðanlegur af bræði og réðst hann á lögreglumenn sem hugðust vísa honum úr samkvæminu. Hann var handtekinn og er í fangaklefa, þar sem hann lætur hátt, að sögn lögreglu. Meira

Martröð í matarboði

10:33 Myndin Takk fyrir mig er fimmta myndin sem MBL Sjónvarp sýnir í samvinnu við Kvikmyndaskóla Íslands. Myndin fjallar um matarboð sem virðist ætla að ganga vel þar til einn gestanna uppgötvar skuggahliðar gestgjafans. Meira

Fjöruverðlaun eftir viku

Bækur níu kvenna eru tilnefndar til Fjöruverðlaunanna.

09:42 Misritað var í Morgunblaðinu í gær að Fjöruverðlaunin, bókmenntaverðlaun kvenna, verði afhent í Iðnó í dag, en rétt er að það verður eftir viku, 18. febrúar næstkomandi, en þá verður haldin Góugleði í Iðnó. Gestur verðlaunahátíðarinnar verður rithöfundurinn og grínistinn Sandi Toksvig. Meira

Opið á skíðasvæðum

09:26 Þó svo auð jörð sé í höfuðborginni er víða hægt að skíða í dag. Þannig fer fram Oddskarðssmót og þar verður keppt í svigi 9 til 12 ára. Opið verður í Oddsskarði frá klukkan 10 til kl. 16 og eru aðstæður býsna góðar. Einnig er opið á skíðassvæði Dalvíkur og á skíðasvæðinu í Tindastól. Meira

Leikstjórinn kom inn sem ljón

Skot úr sýningunni um Galdrakarlinn í Oz.

10:09 Leikarinn Halldór Gylfason var fluttur á slysadeild í gær þegar hann slasaðist við sýningu á Galdrakarlinum í Oz. Lúga opnaðist fyrir mistök á sviðinu þegar Halldór gekk um það og datt hann niður um hana. Tjaldið var snögglega dregið fyrir og varð úr að leikstjóri sýningarinnar kláraði sýninguna. Meira

Enn skelfur við Grímsey

09:38 Töluverður fjöldi jarðskjálfta hefur mælst í nótt og fram á morgun við Grímsey. Sá stærsti sem mælst hefur var um tvö stig og voru flestir af svipuðum styrkleika. Meira

Fíkniefnasali handtekinn

08:44 Lögerglan á höfuðborgarsvæðinu handtók í nótt mann, sem var að selja fíkniefni við veitingahús í borginni en maðurinn var með fíkniefni í söluskömmtum innanklæða. Meira