Sýni sem vísindamenn frá Jarðvísindastofnun Háskólans tóku úr öskunni á Mýrdalssandi eru á leið til Reykjavíkur. Þyrla flýgur með sýnin yfir Markarfljót og síðan verður ekið með þau til Reykjavíkur. Niðurstaðan er talin geta gefið vísbendingar um dreifingu öskunnar sem eru mikilvægar upplýsingar fyrir flugmálayfirvöld.

Helgi Arnar Alfreðsson, sérfræðingur frá Jarðvísindastofnun, segir að farið verði með öskusýnin til Víkur. Þar tekur þyrla við þeim og flýgur með þau yfir Markarfljót þar sem ekið verður með þau til Reykjavíkur. Lögð er áherslu á að flýta efnagreiningu eins og hægt er, en niðurstöðurnar skipta máli fyrir búfjáreigendur. Niðurstöðurnar skipta ekki síður máli fyrir flugrekendur því að dreifing öskunnar með háloftavindum ræðst að nokkru leyti af efnainnihaldi öskunnar.

Getur haft áhrif á hrygningu þorsks

Sýni hafa líka verið tekin úr Markarfljóti. Þar er flúorinnihald mælt svo og amoníaksinnihald og annarra þungmálma.

Hafrannsóknastofnun leggur einnig mikla áherslu á að fá upplýsingar um innihald hlaupvatnsins því að það er talið skipta máli fyrir hrygningu þorsksins.

Mikill gosmökkur er frá Eyjafjallajökli. Árni Sæberg

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir

• 2 blogg um fréttina

Bloggað um fréttina

• Katrín Ósk Þráinsdóttir: Stutt þyrluflug!
• Jonni: Prentvilla - ábending frá bretum