Hætti á eigin forsendum

Óskar Hrafn Þorvaldsson sagði upp starfi sínu sem fréttastjóri Stöðvar 2 og Vísis í morgun. Óskar Hrafn segir að hann hafi sagt starfi sínu lausu á eigin forsendum og neitar því að skoðanaskipti hans og helsta eiganda miðlanna hafi haft áhrif á uppsögnina.

Fréttastjórinn fyrrverandi segir að sjálfstæði fréttastofanna hafi aldrei verið dregið í efa af yfirmönnum fyrirtækisins. Enginn hafi reynt að stýra því hvaða fréttir væru birtar í fréttatímum Stöðvar 2 og á Vísi.

Í yfirlýsingu frá Óskari Hrafni kemur fram að ástæðan fyrir uppsögninni sé að fréttastofan birti frétt um meinta fjármagnsflutninga fjögurra íslenskra athafnamanna í júlí á síðasta ári, „frétt sem við þurftum að leiðrétta og biðjast afsökunar á í gær. Á þessum mistökum ber ég ábyrgð og axla hana með uppsögninni."

• 2 blogg um fréttina

Bloggað um fréttina

• Ómar Gíslason: Ísland síðustu 8 árin!
• Axel Jóhann Hallgrímsson: Hvernig eru aðrir fréttamenn á fréttastofu Stöðvar2 til höfuðsins ef …