Þingfundir hefjast að nýju
Setja bókamerki
Þingfundir hefjast að nýju á morgun eftir nefndarfundi í síðustu viku. Kemur Alþingi saman til fundar kl. 10.30 sem hefst á óundirbúnum fyrirspurnum til fimm ráðherra, m.a. Jóhönnu Sigurðardóttur forsætisráðherra og Steingríms J. Sigfússonar fjármálaráðherra. Samkvæmt upplýsingum mbl.is er talið fullvíst að tölvupóstsamskipti Jóhönnu og seðlabankastjóra komi þar til umræðu.
Aðrir ráðherra sem verða fyrir svörum eru Kristján L. Möller, samgöngu- og sveitarstjórnarráðherra, Katrín Jakobsdóttir, mennta- og menningarmálaráðherra, og Gylfi Magnússon, efnahags- og viðskiptaráðherra.
Einnig verða fundir á morgun í viðskiptanefnd, sjávarútvegs- og landbúnaðarnefnd og iðnaðarnefnd. Þá kemur fram á vef Alþingis að erlendir blaðamenn eru væntanlegir í heimsókn.
Þingfundir halda svo áfram á þriðjudag en fjöldi mála bíður afgreiðslu á þinginu áður en það fer í sumarleyfi.
Gegnum lykilhlutverki fyrir NATO
„Söguleg óvirðing sem gleymist aldrei“
„Þær áttu bara að læra sína lexíu“
Þyrla forsetans lenti í „slysi“
Ráðist á ferðamenn: „Það var blóð alls staðar“
Akureyringur: „Hann væri sístur hjá mér“
„Okkur mun ekki bregða“