Lúta ekki lögum um laun

Fjármálaráðuneytið hefur úrskurðað að launakjör framkvæmdastjóra fimm dótturfélaga Landsbankans heyri ekki undir kjararáð og lúti því ekki lögum sem kveða á um að opinberir stjórnendur skuli ekki hafa hærri laun en forsætisráðherra.

Kjararáð óskaði úrskurðar ráðuneytisins um hvort launakjör framkvæmdastjóra dótturfélaga NBI hf., sem er eignarhaldsfélag í eigu Landsbankans og eru þar með nokkurs konar dótturdótturfélög Landsbankans, heyrðu undir ráðið.

Um er að ræða Landsvaka hf., SP fjármögnun hf., Horn fjárfestingarfélag ehf., Vestiu ehf. og Regin ehf.