Ráðin sveitarstjóri á Ströndum

Ingibjörg Valgeirsdóttir hefur verið ráðin sveitarstjóri Strandabyggðar. Ingibjörg starfar nú sem framkvæmdastjóri í eigin fyrirtæki, Assa - þekking & þjálfun. Hún hefur lokið MBA námi við Háskólann í Reykjavík og er með BA próf í uppeldis- og menntunarfræðum.

Ingibjörg hefur m.a. unnið við starfsmanna- og stjórnendaþjálfun og séð um framkvæmdastjórn í verkefnum á borð við hvatningarátakið Til fyrirmyndar og Stefnumót á Ströndum. Ingibjörg hefur mikla reynslu af vinnu með ungu fólki í vanda og var um tíma forstöðumaður unglingasmiðjunnar Stígs. Ingibjörg kemur til starfa í september, en þangað til sjá oddvitar Strandabyggðar um framkvæmdastjórn í sveitarfélaginu að því er segir í tilkynningu á vef Strandabyggðar.

Fjörutíu einstaklingar sóttu um starf sveitarstjóra Strandabyggðar en frestur til að sækja um starfið rann út í byrjun júlí. Ingibjörg tekur við starfinu af Ásdísi Leifsdóttir sem sinnt hefur starfi sveitarstjóra frá árinu 2001 en hún hætti störfum fyrir stuttu.

• 1 blogg um fréttina

Bloggað um fréttina

• Kristján H. Kristjánsson: Frumleg og dugleg