Forsetaframbjóðendur eru nú á ferð og flugi um landið eins og vera ber, en þær Halla Hrund Logadóttir og Katrín Jakobsdóttir héldu báðar fundi fyrir norðan í dag.

Katrín ræddi við kjósendur á Lambanum á Öngulsstöðum í morgun. mbl.is/Þorgeir Baldursson

Katrín hélt meðal annars opinn fund á Lambanum á Öngulsstöðum í Eyjafjarðarsveit um morguninn og ræddi þar við gesti og gangandi. Var fundurinn vel sóttur og áhugaverður að sögn gesta. Þaðan héldu Katrín og eiginmaður hennar, Gunnar Sigvaldason, til Leifshúsa á Svalbarðsströnd.

Katrín Jakobsdóttir og Gunnar Sigvaldason gerðu góða ferð á Lambann á Öngulsstöðum. mbl.is/Þorgeir Baldursson

Þau lögðu næst leið sína til Grenivíkur á Kontorinn, og luku yfirreið sinni með ferð til Hríseyjar. Lauk þar með tveggja daga ferð Katrínar og Gunnars til Norðurlands, en þau heimsóttu Mývatnssveit, Laugar í Reykjadal og Húsavík í fyrradag. 

Fékk sér ís í Brynju

Halla Hrund fundaði með kjósendum á Móa Bistro í Hofi, og kynnti sig og stefnumál sín fyrir þeim. Var fundurinn mjög vel sóttur, en Halla Hrund ákvað í kjölfarið að fá sér hinn landsþekkta Brynjuís, líkt og hefðin býður.

Halla Hrund hélt að fundi loknum til Brynju og fékk sér þar ís, líkt og hefðin býður. mbl.is/Þorgeir Baldursson

Halla Hrund heimsótti Blönduós í gær og kynnti sér m.a. starfssemi Heilbrigðisstofnunar Norðurlands, sem og Vilko-matvælaframleiðandann, sem hvert mannsbarn ætti að þekkja. 

Á morgun, 1. maí mun hún svo halda til Húsavíkur og Mývatnssveitar og hitta kjósendur þar. 

Vel var mætt í Móa Bistro í Hofi á Akureyri í kvöld þar sem Halla Hrund fundaði með kjósendum á Norðurlandi. mbl.is/Þorgeir Baldursson

Tengdar fréttir

Forsetakosningar 2024

Þjóðinni líst best á Baldur og Höllu T.

• „Þá væri ég ekki að gefa kost á mér í þetta embætti“
• Úrsögn úr NATO myndi kalla á þjóðaratkvæðagreiðslu
• 7.187 hafa kosið utan kjörfundar
• Tjáði sig um gögn sem Kári gerði opinber

» Fleiri tengdar fréttir

• Blogga um frétt