Útigangsmaður var handtekinn á Austurvelli í dag, en hann var með hníf á sér. Maður sat á bekk sem borgarstarfsmenn ætluðu að fjarlægja og neitaði maðurinn að færa sig.

Við mótmælin á Austurvelli í gær voru nokkrir bekkir teknir og kastað á bál sem kveikt var fyrir framan þinghúsið. Reykjavíkurborg ákvað í dag að fjarlægja alla bekki sem eru á Austurvelli til að forða því að þeir endi á báli komi til frekari mótmæla.

Einn af góðkunningjum lögreglunnar sat á bekk við Austurvöll þegar borgarmenn komu þangað í dag og neitaði að færa sig. Hann var með hníf, en var þó ekki mjög ógnandi. Lögregla kom og fjarlægði manninn.

Mótmælendur hafa aftur komið sér fyrir við þinghúsið í kvöld og berja þar tunnur. Miklu færri eru þar núna en voru í gærkvöldi.

Tengdar fréttir

Utangarðs á Íslandi

Sinna 80-100 manns í hverri viku

• Eldur í gámi útigangsmanns
• Aðsóknin vonandi tímabundin
• Fullt í gistiskýlinu nótt eftir nótt
• „Fíkn er alltaf fíkn“

» Fleiri tengdar fréttir

• 1 blogg um fréttina

Bloggað um fréttina

• Jón Pétur Líndal: Má útigangsmaður ekki vera með hníf?