Þakið á Eden að losna, flotbryggja í sundur

Óveður geysar nú víða um land. Á mörgum stöðum hefur orðið tjón og eru björgunarsveitarmenn víða um land fólki til aðstoðar.

Á Suðurnesjum sinntu björgunarsveitarmenn 25 verkefnum á sjötta tímanum í kvöld, að sögn Ólafar Snæhólm Baldursdóttur, upplýsingafulltrúa Landsbjargar. 

Mikil ófærð er innanbæjar á Akureyri, við Sandgerðishöfn fjúka fiskikör á bíla og í Hveragerði er þakið á Eden að losna.

Á Selfossi er mikil þoka og í Skarðshlíð undir Eyjafjöllum  fýkur járn af gömlum söluskála. Þar urðu björgunarsveitarmenn frá að hverfa vegna veðurofsa.

Í Húnaþingi vestra aðstoða björgunarsveitarmenn bílstjóra, sem hafa lent í blindbyl. Flotbryggja liðaðist í sundur í Sandgerði og bátar voru fluttir í skjól.

Undir Eyjafjöllum fauk járn af gömlu sjoppunni í Skarðshlíð. Björgunarsveit varð frá að hverfa þar sem veður var kolvitlaust og skæðardrífa af járni fjúkandi um svæðið. Sæta á færis að fergja járnið um leið og það telst óhætt.
 
Á Akureyri var björgunarsveitin í aðstoð innanbæjar þar sem bílar sátu fastir í ófærð. Einnig sátu rúta og fólksbíll föst í Víkurskarði.  Þá fylgdi björgunarsveitin á Dalvík  bíl með veikt barn til Akureyrar 

Vegagerðin varar vegfarendur við því að miklar vindhviður eru í öllum landshlutum og stórhríð og ekkert ferðaveður er á Norðurlandi og á Austurlandi. 

• 2 blogg um fréttina

Bloggað um fréttina

• Brynjar Jóhannsson: Allt þessari helvítis kerlingu að kenna
• Ingibjörg Magnúsdóttir: Man ekki eftir svona veðri síðan í jan. 2000, það …