Tugir árekstra í þæfingi á götum borgarinnar

Margir ökumenn áttu í erfiðleikum í þæfingnum á höfuðborgarsvæðinu í gær. Aðalleiðum var haldið opnum en víða var hálka. Þung færð var á götum sem strætisvagnar ganga ekki um.

Tugir árekstra urðu á höfuðborgarsvæðinu og virtust margir ekki gefa sér nægan tíma til að komast á milli staða.

Lögreglan hafði ekki upplýsingar um slys á fólki. Hálka og éljagangur var á vegum víða á Suðurlandi.