Fjórðungur vill ekki stjórnlagaþing

Fjórðungur kjósenda vill að hætt verði við stjórnlagaþing, samkvæmt nýjum þjóðarpúlsi Gallup sem Ríkisútvarpið greindi frá. Flestir vilja að fulltrúarnir 25 sem kosnir voru verði valdir í stjórnlaganefnd.

Niðurstaða þjóðarpúls Gallup var að 41% vilja stjórnvöld geti valið aftur þau 25 sem kosin voru til stjórnlagaþings. En 25% landsmanna vilja að hætt verði við stjórnlagaþingið. Um 20% vilja að boðað verði til nýrra kosninga en 11,5% fresta þinginu um tíma.

Nokkur munur var á afstöðu fóllks eftir búsetu þess. Þannig vildu 19% höfuðborgarbúa hætta við þingið en 36% íbúa annars staðar á landinu.

Stjórnlagaþing átti að hefjast á þriðjudaginn kemur.

• 4 blogg um fréttina

Bloggað um fréttina

• Ómar Ragnarsson: Er fjórðungur meirihluti?
• Gunnar Heiðarsson: Handstýrt lýðræði eða einræði
• Guðjón Sigþór Jensson: Hefur minnihlutinn alltaf rétt fyrir sér?
• Jón Aðalsteinn Jónsson: Kjósa aftur.