Ráðherrar svara ekki eldri borgara

„Ég veit ekkert, ég hef ekki fengið neitt bréf,“ segir Kristín H. Tryggvadóttir ellilífeyrisþegi sem hefur beðið eftir svari frá fjórum ráðherrum í meira en þrjár vikur.

Í bréfi sínu til forsætis-, fjármála-, velferðar- og innanríkisráðherra 30. janúar sl. óskaði Kristín skýringa á því hvers vegna hún þyrfti að borga um 240.000 kr. í dvalarkostnað á Hrafnistu og héldi eftir aðeins um 65.000 kr. af yfir 400.000 kr. lífeyrisgreiðslum.

„Ég veit ekkert hvenær þeir hafa tíma en ég er enn að vonast eftir því,“ segir Kristín í Morgunblaðinu í dag um biðina eftir svari. Og bætir við að fólk á Hrafnistu spyrji hana reglulega hvort hún hafi heyrt frá ráðherrunum enda vilji það umræðu um málið.