Að sögn Vegagerðarinnar er hálka, hálkublettir og snjókoma á Norðurlandi vestra. Þá er varað við grjóthruni og mikilli þoku á Siglufjarðarvegi. Eru vegfarendur beðnir um að aka með gát.
Á Vestfjörðum er snjóþekja og skafrenningur á heiðum en hálkublettir á láglendi.
Það er víða hálka eða snjóþekja, þó aðallega á heiðum, á Vesturlandi.
Vegir eru greiðfærir á Suður- og Suðausturlandi.
Á Austurlandi eru hálkublettir á Breiðdalsheiði en annars greiðfært.
Á Norðausturlandi eru einhverjir hálkublettir.