Fjórðungur einstæðra foreldra í vanskilum

Tæplega fjórðungur einstæðra foreldra sögðust vera með húsnæðislán í vanskilum árið 2010 og hafa vanskil aukist verulega frá hruni. 

Þetta er meðal niðurstaðna í skýrslu um konur í kreppu sem unnin var fyrir velferðarvaktina.

Vanskil lána hafa aukist töluvert meðal einstæðra foreldra og mest meðal þeirra af öllum heimilisgerðum. Af þeim sögðust 23,5% vera í vanskilum með húsnæðislán eða leigu árið 2010, en meðaltalið fyrir árin 2004–2009 var 14,5%. Enn fleiri, eða tæplega þriðjungur einstæðra foreldra, sögðust vera í vanskilum með önnur lán en húsnæðislán. Til samanburðar sögðust tæplega 10% heimila þar sem búa tveir fullorðnir og tvö börn vera í vanskilum með húsnæðislán eða leigu árið 2010. Af þeim heimilum sögðust 14,5% vera í vanskilum með önnur lán. Næst einstæðum foreldrum komast tveir fullorðnir með fleiri en tvö börn. Árið 2010 sögðust 19,2% í þeim hópi vera í vanskilum með húsnæðislán eða leigu, en 25,8% í vanskilum með önnur lán.65

• 3 blogg um fréttina

Bloggað um fréttina

• Lísa Björk Ingólfsdóttir: Afglöp stjórnvalda bitna verst á barnafjölskyldum.
• Haraldur Haraldsson: Fjórðungur einstæðra foreldra í vanskilum/þetta er aldeilis víðar,ekki spurning???
• Sigurður Haraldsson: Hvaða bull er þetta!