Hressilegur hvítabjörn

Ísbjörninn, sem sást í fjörunni í Hælavík á Hornströndum í morgun var hinn hressasti. Þetta hafði Önundur Jónsson, yfirlögregluþjónn á Ísafirði, eftir skipverjum bátsins sem sáu björninn.

„Skipverjarnir sögðu að þetta væri hinn hressasti björn, hann hljóp eftir fjörunni og þegar hann sá bátinn, þá hljóp hann upp á hæð og hvarf inn í þokuna,“ sagði Önundur.

Samkvæmt upplýsingum frá Landhelgisgæslunni óð björninn í sjónum í átt að bátnum, en þegar hann átti örfáa metra eftir snerist honum hugur og hljóp í land. Talið er að um ungan björn sé að ræða.

Von er á þyrlu Landhelgisgæslunnar á staðinn upp úr klukkan tólf á hádegi. Enn er mikil þoka á svæðinu og beðið verður með aðgerðir, uns henni léttir.

• 7 blogg um fréttina

Bloggað um fréttina

• Benedikt V. Warén: Bjössi Gnarr á leiðinni...
• Ómar Ragnarsson: Sporin frá 1978
• Ingimundur Þór Þorsteinsson: Miljón dollara tækifæri
• Jóhann Elíasson: ÞÁ ER ÍSBJÖRNINN MÆTTUR TIL AÐ FARA Í HÚSDÝRAGARÐINN............
• Viggó Jörgensson: Árásir ísbjarna á fólk eru yfirleitt banvænar.
• S i g u r ð u r S i g u r ð a r s o n: Ísbirnir hlaupa 100 m á innan við 5 sekúndum
• Loftslag.is: Ísbirnir leita suður á bóginn