Góð aðsókn hefur verið að sjávarútvegssýningunni í Kópavogi, sem hófst á sunnudag og lýkur klukkan 16 í dag.
Að sögn Helgu Guðrúnar Johnson, upplýsingafulltrúa sýningarinnar, er ekki ljóst hve margir gestir hafa sótt sýninguna en tilfinning manna sé, að þeir séu ekki færri en á síðustu sýningu fyrir þremur árum en þá voru gestirnir um 12.300.
Hún segir einnig, að mörg fyrirtæki hafi gert sölusamninga á sýningunni og aðrir slíkir samningar séu í farvatninu. Þannig hafi hún heyrt af fyrirtæki, sem seldi fimm lyftara.