Strax þurfti að bjarga skyttum

Rjúpnaveiðitímabilið hófst í gær en einungis er heimilt að veiða í alls níu daga sem eru helmingi færri veiðidagar en í fyrra. Nýttu því margir veiðimenn tækifærið í gær enda um er að ræða einu veiðihelgi tímabilsins þar sem heimilt er að veiða frá föstudegi og fram á sunnudag.

Talið er að um fimm til sex þúsund skotveiðimenn gangi til rjúpnaveiða á Íslandi á ári hverju en samkvæmt mati Náttúrufræðistofnunar er veiðiþol rjúpunnar 31.000 fuglar.

Fyrsti dagurinn gekk ekki klakklaust fyrir sig því björgunarsveitir frá Borgarfirði þurftu að bjarga tveim rjúpnaskyttum við Vikravatn.