Innlent | mbl | 11.11.2011 | 11:44

Hugsanlegt að taka upp danska krónu

Vilhjálmur Egilsson í Hörpu í dag. mbl.is/Ómar Óskarsson

Vilhjálmur Egilsson, framkvæmdastjóri Samtaka atvinnulífsins, segir út í hött að reikna með að viðræðum við Evrópusambandið um aðild Íslands að sambandinu ljúki á þessu kjörtímabilinu. Þeim ljúki í fyrsta lagi árið 2013 en líklega ekki fyrir en 2014. Íslandi geti þá orðið aðili á árunum 2015-16 ef samningur verði samþykktur.

Vilhjálmur sagði þetta á morgunverðarfundi SA í Hörpu í morgun. Hann ræddi þar um framtíð gjaldmiðlamála og sagði að á meðan Ísland stæði í viðræðum við ESB um aðild yrði að ganga út frá því að stefna íslenskra stjórnvalda væri að taka upp evru. Ef samningur um aðild yrði samþykktur gæti ferill, sem leiddi til þess að við tækjum upp evru, í fyrsta lagi hafist 2016.

Vilhjálmur sagði það væri búið að spá illa fyrir evrunni og kveða upp marga dauðadóma yfir henni. Samt hefði evran haldið sinni stöðu sem einn öflugasti gjaldmiðill heimsins. Það væri sama hvort menn skoðuðu stöðu gagnvart öðrum öflugum gjaldmiðlum, verðbólgu eða vexti, evran kæmi vel út í þessum samanburði. Hún væri a.m.k. miklu sterkari en íslenska krónan.

Vilhjálmur sagði að kosturinn við upptöku evru væri að þá fengjum við efnahagslegan stöðugleika og fengjum aðild að Evrópska seðlabankanum.

Ef við höfnuðum evrunni yrði að skoða þann kost að taka einhliða upp annan gjaldmiðil. „Ef við viljum taka upp annan gjaldmiðil verðum við að tengja okkur við fjármálakerfi heimaríkis gjaldmiðilsins. Það er algert lykilatriði. Þá er nærtækast fyrir okkur að skoða dönsku krónuna eða pundið, að mínu mati,“ sagði Vilhjálmur.

Vilhjálmur sagði að því fylgdu að sjálfsögðu kostir að vera með sjálfstæðan gjaldmiðil og þá einkum sveigjanleiki í gengismálum. Vandamál krónunnar hefði verið að hún væri ekki samkeppnishæfur gjaldmiðill. „Krónan hefur frá upptöku í raun ekki verið fljótandi gjaldmiðill heldur sökkvandi gjaldmiðill. Hún hefur alltaf verið á niðurleið nema í ævintýrinu á síðasta áratug þegar Seðlabankinn ætlaði að gera okkur rík með því að hækka vextina og krónan hækkaði á móti.

Krónan hefur verið fórnarlamb agaleysis, en við teljum að við munum alla vega sitja uppi með krónuna út áratuginn og kannski til allrar framtíðar og þess vegna þýðir ekkert annað en að reyna að gera betur við hagstjórnina.“

Innlent »

Þriðja árið í röð í 19. - 20. sæti

18:47 Íslenski Evróvisjónhópurinn var rúmlega hálfnaður á leiðinni heim þegar mbl.is náði tali af Hrafnhildi Halldórsdóttur nú fyrir stundu. Von er á hópnum til landsins með vél Icelandair í kvöld. Meira

Flestir hlynntir staðgöngumæðrun

18:36 Meirihluti Íslendinga er fylgjandi staðgöngumæðrun. Munur er á skoðunum fólks á málefninu eftir stjórnmálaskoðunum og er andstaðan mest hjá kjósendum Vinstri grænna en minnst hjá þeim sem segjast kjósa Sjálfstæðisflokkinn. Meira

Catalina er í fullu fjöri

Catalina flugbáturinn sem flaug yfir Reykjavík í dag.

17:26 Flugbátar af Catalinagerð voru í notkun hér á landi á árunum 1944 - 1963 og var slík vél fyrsta íslenska flugvélin til að fljúga á milli landa og önnur lék stórt hlutverk í Þorskastríðinu. 68 ára gömul Catalinavél sveif um loftin blá yfir Reykjavík í dag og verður til sýnis á Flugdeginum á morgun. Meira

Fisvél brotlenti við Klaustur

Frá vettvangi slyssins á Kirkjubæjarklaustri.

17:04 Fisvél brotlenti við Ásgerði, skammt frá Kirkjubæjarklaustri, um klukkan þrjú í dag. Tveir menn voru í vélinni og sluppu þeir ómeiddir. Meira

Þóra opnar skrifstofu

16:45 Kosningamiðstöð forsetaframboðs Þóru Arnórsdóttur verður opnuð í gömlu Heilsuverndarstöðinni við Barónsstíg á annan í hvítasunnu, mánudaginn 28. maí. Miðstöðin verður opin alla daga klukkan 14-20 fram að kosningum. Meira

Skjaldborg í skjóli fjalla

17:18 „Þetta litar bæjarlífið virkilega skemmtilega,“ segir Alda Davíðsdóttir, Skjaldborgarstjóri í Sjóræningjahúsinu á Patreksfirði. Um helgina hafa í kringum 300 manns sótt heimildamyndahátíðina Skjaldborg í bænum en þetta er í sjötta sinn sem hátíðin fer fram. Meira

Náttúru, sögu og nytjum gerð skil

17:00 Ljósmyndasýningin „Í Veiðivötnum“ var opnuð í Heklusetrinu á Leirubakka í gær. Það eru hjónin Sigrún Kristjánsdóttir og Pálmi Bjarnason sem eru höfundar myndanna, og er sýningin afrakstur myndatökuferða þeirra við vötnin undanfarin ár. Meira

Veðrið leikur við landsmenn

16:38 Veðrið leikur við landsmenn núna um hvítasunnuhelgina og gangi veðurspá eftir verður einmuna veðurblíða og hlýindi næstu daga. Meira

Lettneska konan enn ófundin

Ligita Solomenceva sem lögreglan leitar að.

16:14 Leit að lettneskri konu sem sást síðast um miðjan þennan mánuð hefur enn ekki borið árangur. Vitað er að hún tók á leigu sumarhús við Meðalfellsvatn og hefur leitin því enn sem komið er farið fram í nágrenni þess. Meira

Gleymdist að slökkva á eldavélinni

15:49 Dælubíll frá slökkviliði höfuðborgarsvæðisins var sendur að heimahúsi í Grafarholtinu fyrr í dag en pottur hafði þar gleymst á eldavél og ekki verið slökkt undir honum. Þegar slökkviliðsmenn komu á vettvang var enginn heima en nágrannar höfðu látið vita af reykjarlykt og síðan reyk. Meira

Við akstur undir áhrifum kannabis

15:55 Lögreglan á Selfossi stöðvaði ökumann á Biskupstungnabraut í Grímsnesi rétt fyrir hádegi í dag við reglubundið eftirlit vegna gruns um að sá æki undir áhrifum. Meira

Fjölmennasti hópurinn frá upphafi

15:43 Verkmenntaskólinn á Akureyri brautskráði 191 nemanda með 223 skírteini í gær þegar skólanum var slitið í menningarhúsinu Hofi. Fram kom í ræðu Sigríðar Huldar Jónsdóttur, skólameistara VMA, að um væri að ræða fjölmennasta hóp sem hefði verið útskrifaður frá skólanum en alls hefðu verið brautskráðir 292 nemendur á skólaárinu. Meira

Voru frelsinu fegnar

15:19 Það var fjölmenni sem fylgdist með því þegar kúnum á Helluvaði á Rangárvöllum var sleppt út í gær á hátíðinni „Halló Helluvað“ sem hefur verið haldin árlega á bænum um nokkurt skeið. Meira

„Svona sending er ný reynsla“

14:19 „Ég hef verið sakaður um margt á langri leið en aldrei fyrr um að gera lítið úr konum. Eftir að hafa í áratugi tekið virkan þátt í jafnréttisbaráttunni og átt þar fjölda áhrifaríkra kvenna að samherjum og samstarfsmönnum er svona sending vissulega ný reynsla!“ Meira

„Lögmál útrásarinnar lifa enn góðu lífi“

12:50 Bæjarráð Grundarfjarðar segir það alvarlegt áfall að Landsbankinn hafi ákveðið að loka útibúi bankans á staðnum í ályktun sem samþykkt var samhljóða. Ákvörðunin sé ekki tekin vegna rekstrar útibúsins á Grundarfirði heldur vegna hagræðingar í heildarrekstri Landsbankans. Meira

Margir sóla sig í sundi í dag

14:51 Margir nota tækifærið í veðurblíðunni og bregða sér í sund í dag, hvítasunnudag, en sundlaugar eru víða opnar. Um helmingur sundlauganna á höfuðborgarsvæðinu er opinn í dag. Afgreiðslutími þeirra er misjafn, þeim er yfirleitt lokað á bilinu 18-19, en Versalalaug í Kópavogi er opin til klukkan 20. Meira

„Ég reyni að lifa lífinu til fulls“

13:40 Ótrúleg atburðarás réði því að Sigurbjörg Jóhanna Gísladóttir lifði af hjartastopp fyrir rúmu ári. Þá var hún einungis 17 ára. „Röð tilviljana réð því að ég lifði af þennan dag,“ segir hún meðal annars í viðtali í Sunnudagsmogganum. Meira

Par villtist á leiðinni í Þórsmörk

11:23 Björgunarsveitir á Suðurlandi voru kallaðar út í nótt til þess að leita að pari sem hafði verið á göngu yfir Fimmvörðuháls á leiðinni í Þórsmörk en villst af leið. Fólkið fannst síðan tveimur tímum eftir að leit að því hófst. Meira