„Gamlir hundar sem engar breytingar vilja“

„Allir vita að í forystu núverandi ríkisstjórnar eru gamlir hundar sem engar breytingar vilja og það er ótrúlegt að ætla að framlengja líf hennar,“ skrifar Ásmundur Einar Daðason, þingmaður Framsóknarflokksins, á bloggsíðu sína. 

Pistillinn ber yfirskriftina „Hvað vakir fyrir Hreyfingunni?“ og þar spyr Ásmundur af hverju eigi að framlengja líf ríkisstjórnar sem hafi engar lausnir. Það sé vonandi fyrir íslenska þjóð að Hreyfingin sjái að sér.

„Getur verið að þar séu menn fremur að hugsa um að framlengja eigið pólitískt líf um 18 mánuði?  Gangi Hreyfingin til liðs við ríkisstjórnina þá er hún að framlengja aðgerðaleysið sem þau hafa gagnrýnt,“ skrifar Ásmundur.

„Hugsuðurinn, ef hugsuð skyldi kalla, á bak við þetta er hrunráðherrann Össur Skarphéðinsson. Hann virðist vera búinn að koma þeim fjarstæðukenndu hugmyndum inn hjá Hreyfingunni að miklar breytingar verði á grunnstefnu ríkisstjórnarinnar ef þau gangi til liðs við hana,“ segir Ásmundur ennfremur.

Pistillinn í heild sinni.

• 7 blogg um fréttina

Bloggað um fréttina

• Gísli Foster Hjartarson: Það er kúnst að fara með gamanmál
• Þorsteinn H. Gunnarsson: Gamlir hundar á túnrollurnar
• Magnús Helgi Björgvinsson: Þarna fer Ásmundur með öfugmæli
• Haraldur Haraldsson: „Gamlir hundar sem engar breytingar vilja“// en gera það samt …
• Viggó Jörgensson: Ríkisstjórnin er dauð.
• Guðjón Sigþór Jensson: Óviturlegar fullyrðingar þingmanns
• Jóhann Elíasson: MEIRIHLUTI ÞJÓÐARINNAR ER BARA HUNDFÚLL YFIR GETULEYSI RÍKISSTJÓRNARINNAR...............