Tillaga að friðun tilviljun?

„Hvenær verða skipaðir starfshópar til að komast að því að skynsamlegast sé að hætta hvalveiðum, taka æðardún og veiða refi?“ spyr Ásmundur Einar Daðason, þingmaður Framsóknarflokksins, á Facebook-síðu sinni í dag og vísar þar til þeirrar niðurstöðu starfshóps á vegum umhverfisráðuneytisins að friða eigi fimm tegundir svartfugls.

„Þær 5 fuglategundir sem á að alfriða í 5 ár eru einmitt friðaðar innan ESB [Evrópusambandsins],“ segir Ásmundur og spyr síðan hvort það skyldi vera tilviljun að lagt sé til að þessar fuglategundir verði alfriðaðar í því ljósi „í stað þess að leita samkomulags við þá sem eru að reyna að búa í sátt við náttúruna?“

Þess má geta að Ásmundur hefur farið fram á fundi í umhverfis- og samgöngunefnd Alþingis við fyrsta tækifæri til að ræða tillögur starfshópsins.

Facebook-síða Ásmundar Einars Daðasonar

• 1 blogg um fréttina

Bloggað um fréttina

• Jón Ingi Cæsarsson: Fornaldarviðhorf í umhverfismálum.