Dómur yfir Baldri staðfestur
Setja bókamerki
Hæstiréttur hefur staðfest tveggja ára fangelsisdóm yfir Baldri Guðlaugssyni, fyrrverandi ráðuneytisstjóra í fjármálaráðuneytinu, vegna innherjasvika og brota í opinberu starfi. Einn hæstaréttardómari, Ólafur Börkur Þorvaldsson, skilaði séráliti og vildi láta vísa málinu frá.
Baldur var ákærður fyrir innherjasvik og brot í opinberu starfi þegar hann seldi hlutabréf í Landsbankanum 17. og 18. september 2008. Baldur var þá ráðuneytisstjóri í fjármálaráðuneytinu og sat í samráðshópi íslenskra stjórnvalda um fjármálastöðugleika.
Héraðsdómur Reykjavíkur komst að þeirri niðurstöðu, að Baldur hefði búið yfir innherjaupplýsingum þegar hann seldi hlutabréf sín í Landsbankanum, og hefði því verið innherji í skilningi laga um verðbréfaviðskipti og brotið gegn þeim lögum. Dómur Hæstaréttar hefur ekki verið birtur en dómsorðið var lesið upp kl. 13.30 í dag.
Þá er söluandvirði hlutabréfa í Landsbankanum, sem Baldur seldi, gert upptækt en um var að ræða 192 milljónir króna.
Karl Axelsson, verjandi Baldurs Guðlaugssonar, fór fram á það fyrir Hæstarétti að málinu yrði vísað frá dómi. Sagði hann að engin ný gögn hefðu verið í málinu þegar ákveðið var að hefja rannsókn að nýju, eftir að Fjármálaeftirlitið felldi málið fyrst niður. Því væri um að ræða endurtekna málsmeðferð sem væri í andstöðu við ákvæði mannréttindasáttamála Evrópu.
Sigríður J. Friðjónsdóttir ríkissaksóknari fór hins vegar fram á það að refsing yfir Baldri yrði þyngd og benti á að refsiramminn leyfði allt að níu ára fangelsi.
Væri að ljúga ef ég segðist ekki stressaður
Tveir í bílnum sem lenti utan vegar
Krefjast stöðvunar framkvæmda
Skemmtiferðaskip hætt komið nærri Viðey
Shakespeare fannst í skókassa
Telur forsendur fyrir vaxtalækkun
Banna mengandi búnað sem leyfður er á Íslandi
Eyjafjarðarbraut lokað vegna alvarlegs umferðarslyss